Taid arall, nid o’r siwtces

Maddeuwch i mi, ond dyma garreg bedd fy nhaid o ochr fy nhad …. y tro cyntaf i mi’i weld. Trist.

Bedd Jane, Richard, Hugh a Lizzie Owen

Bedd William Owen

2009-09-20

Dyma garreg bedd William Owen, a’i wraig Annie, fy nain a farwodd yn 1958. Roedd yn sioc i weld nad oedd Capel Hermon, neu Capel Foel, yno bellach.

Llun newydd o William Owen

Coeden Deulu

Dyma’r goeden deulu hyd yn hyn:

Coeden Deulu

Coeden deulu (1)

Ers tro byd. Dyma f’ymdrech gyntaf ar lunio coeden deulu. Mae’r siwtces wedi darparu llu o wybodaeth i mi wybod ble i chwilio yn y sensws a dyma’r canlyniadau.

Coeden deulu 10/2007 (MS Word)

Y fersiwn gyntaf yw hon, bydd uwchraddiad yn dilyn. Dw’ i’n meddwl mod i wedi darganfod cenhedlaeth gynharach… rhaid i chi fod yn amyneddgar er mwyn i mi gael cyfle i ddadansoddi’r holl wybodaeth.

Pethau diddorol am y coeden deulu uchod:

Roedd mam William Owen, a oedd yn frodor o Bwllheli, yn gweithio fel morwyn yn Sir Fon ble ganwyd tad William. Roedd Jane yn gweithio i’w hewythr William Hughes ac mae fy nychymyg yn gobeithio wnaeth y ddau gwrdd mewn rhyw sefyllfa ddiniwed a rhamantus. Siwr roedd symud o Bwllheli i Sir Fon yn antur mawr bryd hynny. Beth bynnag, dyna ni am y tro.

Murlun Ed Povey, Caernarfon (1979)

Rhywbeth arall nad yw’n deillio o’r siwtces… Dyma ffotograff o furlun gan Ed Povey, Stryd y Bont, Caernarfon. Perthnasol am ei fod yn cynnwys portread o William Owen. Roedd William Owen yn treulio’i oriau yn eistedd ar fainc gyferbyn â’r arlunydd ar waith yn 1979.

Diolch i www.anglesey.info am ganiatad i atgynhyrchu’r ddelwedd.

Sensws 1891

Dyma’r teulu yn ymddangos ar sensws 1891. Bryd hynny yn byw ym Maengwyn, plwyf Llandwrog.

A’i dyma’r un Maengwyn (Llanwnda) a oedd yn gartref i fy nghyfaill Manon o’r ysgol, sy’ dafled carreg o Landwrog? Diddorol gweld bod anghysondeb rhwng oed Richard a Jane Owen o’i gymharu â sensws 1901. O safbwynt hel achau mae’n dda nodi bod oed y plant yn gyson.

Bron Eryri Terrace

O edrych yn fanylach ar sensws 1901 llwyddais i ddadansoddi enw cartref Richard a Jane Owen, sef Broneryrri Ter. Mae Bron Eryri Terrace yn dal i sefyll yn Rhosgadfan. Dyma fap o’r lleoliad:

 

Mae’n debyg taw dyma ble ganwyd William Owen.

Teulu ym Mhennsylvania?

             

Dyma lythyr oddi wrth Lewis Jones o Harveys Lake, Pennsylvania, dyddiedig Ionawr 18, 1960.

           

Hello folks

How are you all fine and in best of health I hope as it leaves us good at present. You will be surprised to hear from me as it was through Cousin Susie Thyler [?] of New York Mills N.Y. USA I got your address. I am related to you. My mother’s name was Mary Jones formerly Owens. She passed away several years ago. 9 years ago she was 83 years old. My father got killed in the mines 37 years ago. I have 2 brothers and 2 sisters. Well here the story now my mother had a brother who went to Australia and she never heard from him so its possible that you are children of his so that’s why I am writing. Mother’s maiden name was Lewis Owen. Her father’s name was Lewis Owen. Her mother’s name was Jane Owen. I still have a photo of my Grandfather Owens. I was born in Bryn Helig, Llanfairfechan [?]. I was born in April 29, 1893 so I will be 67 this coming April. This will seem strange now to get in touch with relations I never knew. I served in First World War and was in Canadian Army and so some relations in Pennsylvania and N. Wales. I corresponding with John Jones relation on my father’s side. I have his address but haven’t heard from him for over 3 years. I sent photos to him twice never got an answer. I hope I may hear from you folks so will close with best wishes for prosperous New Year. Will be glad to hear from you anytime.

Yours as ever Cousin Lewis John Jones

Dyma ddadansoddiad sydyn:

Lewis John Jones (1893-), yn enedigol o Lanfairfechan, yn byw yn Harveys Lake, Pennsylvania yn 1960. Roedd ganddo ddau frawd a dwy chwaer. Lladdwyd ei dad mewn cloddfa yn 1923. Roedd yn aelod o fyddin Canada yn ystod y Rhyfel Byd Cyntaf.

Mary Jones (1868-1951?) oedd ei fam, enw morwynol Owen, yn ferch i Lewis a Jane Owen. Roedd ganddi frawd a ymfudodd i Awstralia.

Roedd gan Lewis John Jones gyfneither yn New York Mills o’r enw Susie Thyler[?] a pherthynas o’r enw John Jones o ochr ei dad a oedd yn byw yng Nghymru.