Llythyr RMS Queen Mary, Medi 11, 1961

Wel dyma chi ddiddorol. Llythr gan ffrind at Mary Owen, tra’n hwylio ar long RMS Queen Mary am Efrog Newydd. Mae’n debyg roedd Mary Owen yn gwerthu hufen ia gyferbyn a Chastell Caernarfon pan gwrddodd a Mrs. Smith o’r Unol Daliaethau ym 1961.

National Registration Identity Card William Owen

Er o ddiddordeb hanesyddol, mae’r cerdyn yma hefyd yn wych am gofnodi ble roedd William Owen yn byw yn y cyfnod 1943-1949:

28 Mai, 1943: Tyddyn Difyr, Rhosgadfan.

22 Ebrill, 1947: Pantiau, Rhosgadfan.

5 Rhagfyr, 1949: Cerrig Sais, Rhosgadfan.

Tystysgrif marwolaeth Richard Owen

Tystysgrif marwolaeth Richard Owen yn 68 oed, dyddiedig  20 Awst 1923. Pwy oedd Richard Owen (1855?-1923). Roedd yn byw yn Nhyddyn Difyr, Rhosgadfan pan farwodd.

John Chwilog a Jack Elis Llanrug

Dyma ffotograff o “John Chwilog” a “Jack Elis Llanrug”. Ffrindiau? Teulu?

Dyddiadau penblwydd

Dyma daflen sy’n adnodd gwych ar gyfer hel achau. Mae’n nodi penblwyddi aelodau teulu William Owen. Gellir dyddio’r rhestr i 1937-1939.

“R. R. Owens, October 26, 1880 – 57 years” – Pyw?

“L. R. Owens, June 25, 1884 – 54 years” – Pwy?

“H. R. Owens, Feb. 28, 1889 – 49 years” – Pwy?

“Laura Owens, Jan. 4, 1893 – 44 years” – Anti Laura fy mam.

“W. R. Owens, June 21, 1901 – 37 years” – William Owen?

“R. R. Owens, Oct. 22, 1905 – 32 years” – Pwy?

“Jinnie, Dec. 13, 1911 – 26 years” – Anti Jinnie, cofio hi’n iawn. Cofio mynd i’w gweld yn Rhosgadfan. Daeth hi draw i dreulio un Nadolig gyda ni yng Nghaernarfon.

“Priodas mam, Feb 1901″ – Mam pwy? Mam William Owen?

“Annie Owen, Aug. 1st, 1914″ – Nain.

“Gaynor Pierce, Nov. 14, 1932″ – Anti Gayn (hanner-chwaer mam), Tregarth, a farwodd y llynedd.

“R. Pierce, Dec. 27, 1935″ – Yncl Robin (hanner-brawd mam), sydd yn briod a Gwenda ac yn byw ym Mhontnewydd.

“W. Pierce, Aug. 4th, 1937″ – Yncl Wil (hanner-brawd mam), sydd wedi priodi Enid ac yn byw ym Mhenrhosgarnedd, Bangor.

“Mary Owen, Feb. 19, 1944″ – Mam, sy’n byw ger Wrecsam.

Halen yn dda i chi wedi’r cwbl

Dyma golofn sy’n bloeddio gogoniant halen. Pwy ddwedodd bod halen yn ddrwg i chi? Diolch byth mod i wedi dod ar draws hwn rwan – mae’r cadeiriau yn y parlwr wedi bod yn slacio ers misoedd. A dim rhyfedd bod y Gold Blend mor ddiflas.

A wyddoch chwi?

Cwestiynnau a anfonodd Mary Owen i’r Cymro… beth yw’r atebion?

1. Beth oedd enw’r llong yr hwyliodd Christopher Columbus ynddi i’r America?

2. Pwy a ddyfeisiodd y teleffon?

3. Pa un yw’r bont hwyaf yn y byd?

4. Ym mha le y ganed (a) W. J. Gruffydd; (b) T. H. Parry-Williams; (c) W. Ambrose Webb?

5. Beth oedd enw bedydd (a) Eifion Wyn; (b) Pedrog; (c) Eben Fardd?

Mary Owen (Rhif 3), 5 Bro Cadfan, Rhosgadfan [ca. 1950]

Annie Owen yn yr ysbyty

Dyma nodyn yn y papur newydd am fy nain, Annie Owen, a farwodd yn ifanc iawn o gancr ym 1958. Mae’r unig lun ohoni wedi’i fframio ar wal fy mam.

 ”PERSONAL – Mrs. Annie Owen, Bro Cadfan, is a patient at the St. David’s Hospital, Bangor.”

William Owen yn fachgen ifanc

             

Dyma lun o fy nhaid, William Owen, yn fachgen ifanc. Dw’i ‘rioed wedi gweld llun cynnar ohono tan rwan. Llygaid, trwyn a gwefusau yn union fel rwy’n cofio. Direudus.

Claddu Mary, chwaer William Owen

Dyma dderbyneb i gladdu Mary Hughes (*chwaer* William Owen) yn Nghapel Hermon, Rhosgadfan, dyddiedig 8 Ionawr 1938. £1.10. Pwy oedd Mary felly? Siwr bydd Mary yn ymddangos o’i bryd i’w gilydd wrth i mi dyrchu…